ملاحظة حول نشاط طلبة كلية الطب البشرى غريان

[dr.power]

بداية كل التقدير والاحترام لطلبة الجبل الغربي وبالخصوص طلبة الطب البشرى
والذين يعتبرون اخوتنا فى مسار الكفاح والنضال طوال سنين الدراسة فى الطب

الا اننى اعتب عليهم حيث ان نشاطهم فى المنتدى ليس بالقدر المطلوب
فمثلا لا نسمع ولا نقراء عن اخبار نتائجهم ومواعيد امتحاناتهم ونشاطاتهم الدراسية بصفة عامة

لذا اتوجه اليهم بكل الود واطالبهم ببذل المزيد من العطاء والجهد حتى نكون معا على الخط
وحتى يكون لاتصالنا هدف اساسه النجاح ونشر العلم والمعرفة

اسال للجميع العون والتوفيق وفى انتظار النشاط والهمة والجهود
والسلام عليكم ورحمة الله وبركاته

[D.hamoda]

ان شاء الله انحاولوا انشطوا صفحتنا في القريب العاجل
دعواتك لينا يا دكتور

[RANDA]

بالفعل لمذا هذا لم نتعود على هذا من طلبه الجبل كانو دائما سباقين الى الجديد

نتظر نشاطكم بفارغ الصبر يا طلبه الجبل

[عزو]

انا كنت طالب فيها الكليه .......ياودي اداره صعبه هلبا وبالزور الطالب باش ياخد

راحه ........مع المستوي الاسئله الي عندهم ياودي امصعبينها عليهم ..........وامتحاناتهم ورا بعض

والله فاقدينهم هلبا ..............ليش مش عارف

[pekatcho]

ان شاء الله
صح بالنسبه ل الجبل الغربي مقصرين هلبه

اصلا ما يخشوش هلبه حسب اعتقادي

[dr.h.m.a]

بالعكس ااحني ديما متوفرين

[Dr.F.Z.T]

صح ديما موجودين

[علاء شهوب]

بصراحه كلية الطب البشرى غريان من اقل الكليات فى غريان من جميع النواحى انى مشعارف كيف يقروا فاها لانها ماتشملش معنى كلمة كليه رغم انى مش دكتور او حتى طالب لكن الصراحه للاسف حتى من الداخل مش مدخل كليه ااو حتى الديكور من الداخل
ربى ايكون فى عون الطالب

[dr.power]

اخ علاء شهوب طالما انت لا طالب ولا دكتور فياريت تحتفظ بأراك الغريبة لنفسك اما عن كلية الطب البشرى غريان فهى قلعة علمية خرجت الكثير والكثير من الاطباء الليبيين الاكفاء والذين يدرسون ويحضرون اليوم فى اعرق كليات وجامعات اوروبا والعالم لذا ارجو الالتزام بالادب والاحترام

[عاشق النوم]

وغريان عندي من أفضل مدن جماهريتنا الحبيبة وانا شفت معظم طلبة الطب في مختلف كليات ليبيا وتعتبر كلية الطب البشري غريان بالرغم من قلة الامكانيات إلا انها خرجت الكتير من الكوادر الطبية ذات الخبرة العالية ومنهم من يدرسون بالخارج مثل امريكيا وألمانيا وفرنسا ونتمنى المزيد من الجهد والعطاء .... طالب بسنة رابعة طب بشري